UMPASA TINGKI MARHATA SINAMOT BAG.1 Parboru manise - sai jolo dinangnang asa dinungnung,sai jolo pinangan do asa sinungkun - buruk buruk ni durung parasaran ni sioto,bangko na do manungkun molo so binoto - danggur danggur barat toho tu duhut duhut ditoru ni singkoru,nungnga bosur hami mangan indahan nalas sagat marlompan juhut,bahatana paboa hamu ma raja ni boru - sande sige tu bungkulan ni sopo,bangkona do manise molo so binoto - dia ma nuaeng langkatna dia unokna,dia ma nuaeng hatana dia nidokna Paranak - godang sibutong butong otik sipir nitondi,tung so sadia pe hupatupa hami,sai pamuas mai tu pamatang saudara tu bohi - habang pidong halo halo di dongani sitapi tapi,lasma rohamu manjalo idope natarpatupa hami - sititima sigompa golang golang pangarahutna tung otik pe nahupatupa hami sai godang ma pinasuna - bulung nidapdap langkop,ba i dope na adong ba i ma taparhajop Parboru - bagot namarhalto ma tubu dirobean horas ma hami namanganthon sai martamba ma sinadongan dihamu namangalean - tubuma simarhora hora di topi ni tapian,sai roma silas ni roha tiur nang pansarian - bona ni aek puli di dolok sitapongan sai tubuma di hamu angka nauli jala sai dorma nang pangomoan - inganan nipuli dihauma salenggan,sai marangkup do nauli mardongan nadenggan - inganan nipuli dihauma salenggan,sai marangkup do nauli mardongan nadenggan - ranting ni bulu duri jait masijaotan,angkup ni hata nauli do marsitaringotan
